Блефароспазам (blepharospasmus) тоа е одбранбен рефлекс кој настанува како последица на надразнување на сензитивните влакна на n.oftalmikus и рецепторни елементи на ретината за светлина. Тој се карактеризира со грч на капакот, односно на обикуларниот мускул (musc. orbikularis oculi). Овој грч на капакот е понекогаш јако изразен, особено кај децата така да многу тешко се отвара капакот за да се изврши преглед. Блефароспазамот е повеќе изразен ако постои и кератит поради надразнувањето на сензитивните влакна кој поминуваат низ рожницата.
